Վարկեր գրավով․ ոսկու, անշարժ գույքի և ավտոմեքենայի գրավադրմամբ

Այս հոդվածում մանրամասն ներկայացնում ենք գրավով վարկերի հիմնական տեսակները, դրանց պայմաններն ու առանձնահատկությունները։

Ոսկու գրավադրմամբ վարկեր․ ինչպես ստանալ

ՀՀ բանկերն ու վարկային կազմակերպություններն ունեն գրավով վարկերի բազմաթիվ առաջարկներ։ Առավել տարածված են ոսկու գրավով վարկերը, որոնք տրամադրվում են հետևյալ պայմաններով՝

• Գումարի չափ՝ սկսած 50,000 ՀՀ դրամից մինչև 10,000,000–50,000,000 ՀՀ դրամ (կախված բանկից կամ վարկային կազմակերպությունից)
• Տարեկան անվանական տոկոսադրույք՝ 14-24%
• Ժամկետ՝ մինչև 60 ամիս
• Վարկ / Գրավ հարաբերակցություն՝ կարող է կազմել գրավի արժեքի 100%-ից մինչև 150%-ը
• Ոսկու գնահատումն իրականացնում է բանկի մասնագետ-ոսկերիչը

Ոսկու գրավով վարկ կարող է ստանալ 18 տարին լրացած յուրաքանչյուր քաղաքացի։ Անհրաժեշտ է ներկայացնել միայն անձնագիր և հանրային ծառայությունների համարանիշ։

Ոսկու գրավով վարկերը տրամադրվում են արագ և ունեն նվազագույն պահանջներ։ Սա այն վարկատեսակներից է, որ շատ հազվադեպ է պահանջում եկամուտների ստուգում։ Տրամադրվող գումարի չափը կախված է ոսկու քաշից, հարգից, բանկի սահմանած գնահատման արժեքից։ Վարկը կարելի է մարել ինչպես անուիտետային (մայր գումարների և տոկոսների հավասար վճարումներ), այնպես էլ՝ տոկոսների նախնական վճարման տեսքով՝ մայր գումարի մարումը թողնելով ժամկետի ավարտին։ Ոսկու գրավադրմամբ վարկերը կարելի է մարել նաև ժամկետից շուտ՝ առանց ավելորդ տուգանքների։

Անշարժ գույքի և տան գրավով խոշոր վարկեր

Գրավով վարկերի մյուս տարածված տեսակը անշարժ գույքի գրավով վարկն է։ Կարող են գրավադրվել բնակելի տներ, բնակարաններ, հասարակական կամ առևտրային նշանակության տարածքներ, հողատարածքներ։

Պայմանները

• Տրամադրվող գումարը՝ 100-150 մլն ՀՀ դրամ
• Մարման ժամկետը՝ 15 տարի
• Տոկոսադրույքը՝ սկսած 14 %-ից

Անշարժ գույքի գրավադրմամբ վարկերը պահանջում են եկամտի հիմնավորում, քանի որ տրամադրվող գումարի չափը ավելի մեծ է, քան ոսկու գրավի դեպքում։ Որոշ բանկեր տրամադրում են նաև առանց եկամտի հիմնավորման վարկեր, որոնց դեպքում տրամադրվող գումարի չափը նվազում է, տոկոսադրույքները բարձրանում են։ Նման վարկը կարելի է տեղափոխել այլ բանկ և վերաֆինանսավորել։

Անշարժ գույքի գրավադրման առանձնահատկությունները՝

• ՀՀ բանկերում անշարժ գույքի գրավադրմամբ վարկեր տրամադրելիս հաճախ անվանական տոկոսադրույքը տատանվում է՝ կախված վարկառուի եկամտի գրանցումից՝ 
  • Չգրանցված եկամուտ ունեցող անձանց համար՝ 17%,
  • Գրանցված եկամուտ ունեցող անձանց համար՝ 15%։
• Գնահատումը պետք է կատարվի լիցենզավորված կազմակերպության կողմից։
• Գույքը պետք է անցնի նոտարական վավերացում և ունենա կադաստրային գրանցում։
• Ընթացիկ բոլոր ծախսերը կատարում է վարկառուն։
• Գրավադրված գույքը պետք է ապահովագրվի ամեն տարի, ինչը լրացուցիչ ծախս է վարկառուի համար։

Ավտոմեքենայի գրավով վարկեր

Ավտոմեքենայի գրավով վարկերը հնարավորություն են տալիս օգտագործել ավտոմեքենայի շուկայական արժեքը որպես վարկի ապահովման միջոց՝ ստանալով ավելի ցածր տոկոսադրույքներ և մարման ճկուն ժամանակացույց, քան ստանդարտ անգրավ վարկերի դեպքում։

• Բանկերը սահմանում են մեքենայի տարիքային շեմ՝ մինչև 10 տարեկան։
• Տրամադրվում է մեքենայի շուկայական արժեքի 50-80%-ը։
• Գրավի տրամադրումը պահանջում է գնահատման ծախսեր, միանվագ տրամադրման վճար (1-3%), գրավի գրանցման վճարներ։
• Յուրաքանչյուր բանկ կամ վարկային կազմակերպություն ինքն է սահմանում ավտոմեքենայի գրավադրմամբ վարկի տրամադրման պայմանները։
• Որոշ բանկեր պահանջում են, որ մեքենան հանձնվի իրենց։
• Եթե բանկը մեքենայի հանձնում չի պահանջում, տրամադրում է կարճաժամկետ վարկ։

Ի՞նչ վտանգներ հաշվի առնել գրավ դնելիս

• Գրավադրումը ռիսկեր է պարունակում։ Ամենամեծ ռիսկը կապված է սեփականության կորստի հետ։ Վարկը ժամանակին չվճարելու դեպքում վարկառուն կարող է կորցնել իր սեփականությունը հանդիսացող գույքը։ Բանկը կամ ֆինանսական կազմակերպությունը իրավունք ունի բռնագանձել այն և աճուրդով վաճառել պարտքը փակելու համար։
• Վարկի մարման ուշացման դեպքում օրական տոկոսներն ու տույժերը արագ մեծացնում են վարկի չափը։
• Ուշացումները բացասաբար են անդրադառնում վարկային սքորի վրա։
• Անշարժ գույքի շուկայում գների անկումը կարող է հանգեցնել բանկի կողմից հավելյալ գրավի պահանջի կամ պարտքի մասնակի մարման։
• Գրավադրված գույքը հնարավոր չէ վաճառել՝ առանց բանկի պաշտոնական համաձայնության։

Խորհուրդներ, որոնց արժե հետևել գրավով վարկի դիմելիս

• Գրավով վարկեր վերցնելիս հստակ հաշվարկե՛ք եկամուտները, քանի որ վճարումները չկատարելու դեպքում վտանգում եք ձեր գույքը։
• Համեմատե՛ք բանկերի և վարկային կազմակերպությունների առաջարկած վարկավորման պայմանները։
• Նախապես հաշվարկե՛ք վարկի մարման ամսական վճարը, ընդհանուր տոկոսը և փաստացի տոկոսադրույքը՝ հասկանալու համար ձեր վարկային պարտավորությունների չափը։
• Օգտվե՛ք վարկի օնլայն դիմելու հնարավորությունից։ Բանկից մերժում ստանալու դեպքում դիմումն ավտոմատ կվերահասցեավորվի այլ բանկի՝ խնայելով ձեր ժամանակը։