Համեմատեք, ընտրեք ևստացեք լավագույն առաջարկը։

Հոդված · Վարկեր

Անասնապահական և գյուղատնտեսական անտոկոս վարկեր պետական աջակցությամբ

Գյուղատնտեսությունը զարգացնելու նպատակով ՀՀ կառավարությունը աջակցում է գյուղատնտեսներին և ֆերմերներին՝ սեփական բիզնես սկսելու և այն վարելու համար։

Անասնապահական և գյուղատնտեսական անտոկոս վարկեր պետական աջակցությամբ

ՀՀ բանկերը համագործակցում են ՀՀ էկոնոմիկայի նախարարության հետ և ֆինանսավորում են գյուղատնտեսական և անասնապահական վարկերը, որոնք ներառում են պետական սուբսիդիաներ։

Անասնապահական վարկեր և անասնաբուծության զարգացման ծրագրեր

Անասնապահական վարկերը ՀՀ բանկերում սերտորեն կապված են ՀՀ կառավարության՝ անասնաբուծության զարգացման ծրագրերի հետ, որոնցով զբաղվում է ՀՀ Էկոնոմիկայի նախարարությունը։ Երկրում անասնապահությունը զարգացնելու համար էկոնոմիկայի նախարարությունն առաջարկում է հետևյալ ծրագրերը՝

Ոչխարաբուծության և այծաբուծության զարգացման ծրագիր (2024-2028թթ․)

    • Տեղական ցեղատեսակի բուծման համար տրամադրում է մինչև 300 հազար ՀՀ դրամ։
    • Ներկրված ցեղատեսակների համար՝ մինչև 450 հազար ՀՀ դրամ։
    • Պետական ծրագրով փոխհատուցում է վարկի 50%-ը։
    • Մեկ շահառուն կարող է գնել 5-ից մինև 1000 գլուխ անասուն։

Կովերի արհեստական սերմնավորման ծրագիր (2025-2026թթ․)

    • Արժեքը՝ մոտ 15 հազար ՀՀ դրամ
    • Ծախսի մոտ 70%-ը (10 հազար ՀՀ դրամ) փոխհատուցվում է պետության կողմից, իսկ մյուս 30%-ը (5000 ՀՀ դրամ)՝ մասնավոր ընկերության կողմից։

«Խելացի» անասնաշենքերի կառուցման կամ վերակառուցման ծրագիր (2025-2028թթ)

Ծրագրի շրջանակներում վարկառուին է ներկայացվում «խելացի» անասնաշենքի երեք տարբեր մոդել, որոնց արժեքը կազմում է՝

  • Առավելագույնը 30 մլն ՀՀ դրամ,
  • Առավելագույնը 46 մլն ՀՀ դրամ,
  • Առավելագույնը՝ 114 մլն ՀՀ դրամ։

Պետական աջակցությունն իրենից ենթադրում է մասնակի փոխհատուցում կամ 0-2% սուբսիդավորվող վարկեր։

Խոշոր եղջերավոր կենդանիների (տավարաբուծության) ծրագիր (2025-2029թթ․)

  • Բազային միավորի արժեք՝ 1.1 մլն ՀՀ դրամ
  • Փոխհատուցում / վարկեր. 50% փոխհատուցում և 0% սուբսիդավորվող վարկեր՝ մինչև 1.1 միլիարդ դրամ գումարի չափով:

Պետական ծրագրերով անասնապահական ծրագրերի նպատակային ուղղություններն են՝

  • Գյուղատնտեսական կենդանիների ձեռքբերում
  • Անասնաշենքերի կառուցում և տեխնոլոգիական ապահովում
  • Անասնակերի ձեռքբերում
  • Մեղվաբուծության (մեղվաընտանիքներ, փեթակներ) զարգացում։

Անասնաբուծության զարգացման ծրագրերի մանրամասներին կարելի է ծանոթանալ ՀՀ Էկոնոմիկայի նախարարության կայքում, կամ զանգահարելով Թեժ Գիծ (8140)։

Գյուղատնտեսական և անասնապահական վարկերի ՀՀ բոլոր բանկերի առաջարկներին կարող եք ծանոթանալ և դիմել օնլայն մեր կայքում՝ hamematir.com:

Ինչպե՞ս ստանալ գյուղատնտեսական անտոկոս վարկ․ սուբսիդավորման պայմանները

Գյուղատնտեսական անտոկոս վարկերը սուբսիդավորվում են պետության կողմից և ուղղված են ագրոպարենային ոլորտին կամ անասնաբուծությանը։ Դրանց գլխավոր առանձնահատկությունը տոկոսադրույքի սահմանումն է, որը շահառուի համար կազմում է՝

  • Ընդհանուր դեպքերում՝ 5% (սովորական ագրոպարենային վարկեր),
  • Գյուղատնտեսական կոոպերատիվների համար՝ 3%,
  • Սահմանամերձ համայնքներում կամ սոցիալական աջակցություն ունեցող գոտիներում՝ 0% (անտոկոս),
  • Կառավարության կողմից առանձին հաստատված 0% տոկոսադրույքով ծրագրի շրջանակներում՝ 0%։

0% տոկոսադրույքով գյուղատնտեսական վարկերի սահմանաչափը 1-2 մլն ՀՀ դրամ է։

Ագրոպարենային ծրագրերով տրամադրվող վարկերի սահմանաչափը 3-15մլն ՀՀ դրամ է։ Բանկերի ծրագրերով այն կարող է հասնել մինչև 45 մլն-ի՝ կախված բանկից։

  • Մարման ժամկետը՝ 3 տարի։
  • Տրվում է 6 ամիս  կամ 1 տարի արտոնյալ ժամանակահատվածով, որի ժամանակ վարկառուն վճարում է միայն վարկի տոկոսները։

Վարկի նպատակները՝

  • Մեղվաբուծություն
  • Անասնաշենքերի կառուցում կամ վերակառուցում
  • Գյուղատնտեսական կենդանիների ձեռքբերում
  • Կերի, սերմերի և տնկիների ձեռքբերում
  • Հողի մշակում և շրջանառու միջոցների համալրում
  • Ոռոգման համակարգերի ներդրում և ագրովերամշակում

Ծրագիրն իրականացվում է այն բանկերի հետ, որոնք համագործակցում են ՀՀ Էկոնոմիկայի նախարարության հետ՝

Հատուկ գյուղատնտեսական վարկեր և անասնապահական վարկերի հնարավորություններ

ՀՀ որոշ առևտրային բանկեր առաջարկում են հատուկ գյուղատնտեսական վարկեր։ Դրանք այն բանկերն են, որոնք համագործակցում են ՀՀ Էկոնոմիկայի նախարարության հետ։ Հատուկ վարկերի տեսակներին են պատկանում՝

  • Սուբսիդավորվող գյուղվարկը՝ մինչև 2 մլն ՀՀ դրամ սահմանաչափով։
  • Գյուղատնտեսական վարկը՝ հետվճարով (ԵՄ ֆինանսավորմամբ)։ Իրականացվում է EBRD-ի հետ համագործակցությամբ։
    • Առավելագույն գումարը՝ 3 մլն եվրոյին համապատասխան գումար՝ ՀՀ դրամով կամ ԱՄՆ դոլարով։
    • Հետվճարը՝ վարկի գումարի մինչև 15%-ը

Վարկի նպատակը՝

  • Հիմնական միջոցների (տրանսպորտային միջոցների, սարքավորումների, գյուղատնտեսական տեխնիկայի և սարքավորումների) ձեռքբերում,
  • Շինարարական աշխատանքների իրականացում (բացառությամբ բազմաբնակարան շենքերի),
  • Հիմնական միջոցների ձեռքբերումից առաջացած կրեդիտորական պարտքի մարում (վարկային/լիզինգի պայմանագրի կնքումից մինչև 60 օրացուցային օր վաղեմության)։
  • Վարկի արժույթը՝ ՀՀ դրամ, ԱՄՆ դոլար, եվրո
  • Վարկի գումարը՝ 10 հազարից 3 մլն եվրո կամ համարժեք ՀՀ դրամ կամ ԱՄՆ դոլար
  • Մարման ժամկետը՝ 6-84 ամիս
  • Հետվճարի չափ՝ Վարկի գումարի մինչև 15 տոկոսի չափով

Գործում են հատուկ պայմաններ Արցախից տեղահանվածների համար։

Խորհուրդներ գյուղատնտեսական վարկերով հետաքրքրվողներին

  • Ուսումնասիրե՛ք սահմանամերձ բնակավայրերի համար գործող պետական անտոկոս կամ արտոնյալ վարկավորման ծրագրերը։
  • Ծանոթացե՛ք ՀՀ բոլոր բանկերի գյուղատնտեսական վարկավորման առաջարկներին մեկ վայրում՝ hamematir.com, դիմե՛ք օնլայն վարկի համար մեկ հայտով։
Դիմել վարկի